Thursday, September 20, 2007

pyschological balance sheet

睇緊本 The Paradox of Choice,入面有好多有趣例子。好似:

案例一:你諗住用廿元去買入場卷聽演唱會。
就係你準備買飛時,你發現自己先前係街跌左廿元。
咁問題係你仲會唔會用廿元去買演唱會入場卷?


案例二:你用左廿元去買入場卷聽演唱會。
係你入場後,你發現自己唔見左張飛,
而你又唔知自己個位係邊。
咁問題係你仲會唔會用廿元去買番張演唱會入場卷?


就案例一而言,九成人會答買。但係案例二就只有少過五成人會用多廿元買番張入場卷。

心理學家話,其實兩個案例的 "bottom line" 都係用四十元去聽演唱會。但係結果之所以有分別,係因為我地心中有唔同「戶口」去扣數。係案例一中,入場卷果廿元係 “演唱會戶口” 扣數。而跌左果廿元呢,就係 “雜項戶口” 扣。而案例二果四十元就全部都係扣落 “演唱會戶口”,所以就多 D 人覺得唔值。

佢想帶出個訊息係:我地做決定時,其實好多時都唔係 logical 的。我地有時仲勁過 D accountant 砌 balance sheet,係自己心中砌條「靚」數俾自己睇。

不過計我話,D 人係案例二中選擇唔買其實原因好簡單:人都入左場啦,洗鬼買多張飛咩! 求其搵個「吉」位坐咪算囉!哈哈! :P

3 comments:

dc said...

i think i will buy ticket in both cases provided that i really wanna see the concert. Since i seldom see concert, i must love to see that concert... XD

cc said...

1 - 問題: The Paradox of Choice 乜唔係英文書o黎ga咩?

2 - comment: "人都入左場啦,洗鬼買多張飛咩! 求其搵個「吉」位坐咪算囉!" -> 其實我都唔明點解第二個案例會存在呢,因為查入場劵的通常是入口位,入左去都唔會查o架啦 ... 哦!我明啦,案例二入面係o係坐低之前已經唔見左張入場劵!咁呀,我都會買啦,因為我成日都覺得有得睇演唱會的場地好遠,咁遠o黎到結果無得睇,會好嬲o架。

kc said...

本書係英文黎嫁…有咩問題呢?我話曬都識幾個英文生字的說… :P