Monday, October 1, 2007

十下十下

曾幾何時,我個個禮拜都至少會係屋企一個人烚下烚下打邊爐一次的。D 屋企人覺得我好奇怪,一條友有咩好打邊爐。不過… 一條友其實出街亦都冇咩好食 orz …。 可惜,對上一次租住間屋因為太多雜物,連食飯枱都冇張,所以都冇係屋企打邊爐好耐。難得今日係「十一國慶暨搬屋兩個月後終於清曬 d 紙箱有番個廳用」的大日子,決定要十下十下黎慶祝。

今晚菜單:

新界菜心。$7 斤。又平又靚。食左半斤咋。



$5 金菇。吉之島有 d 好靚既金菇 (個菇頂真係金色嫁!)…不過貴。下次先試。食住 d 平野先!


$20 「游水蝦」半斤。事關六點幾先決定要十下十下,去到街市時已經冇曬活蝦…好在呢 d 蝦都 ok。至少肉質都爽。


$75 澳洲和牛。成餐至貴係佢,不過食落真係唔同 d :p 。


當然唔少得 d 乜丸物丸…仲有雜菜餃添!


大會指定飲品:啤酒同肥曲…



湯底一邊係清雞湯加鮮番茄,另一邊係李錦記麻辣湯底 o_0 。


好飽呀!不過係洗洗洗洗洗洗洗完曬 d 碗碗碟碟之後又有 d 餓… 先發覺唔記得食包烏冬… =_="

PS. 同場加映,我終於有番個廳用喇!

5 comments:

emily said...

嘩,終於見到個廳啦!
就下個星期六晚(13/10)係你度開餐啦...

cc said...

wa ~ 估唔到你個廳都好企理下wo ~~ 幾時可以去你度打邊爐呀?最鐘意十下十下 ... esp有靚金菇 ~~ 兩個月之後應該到我屋企清晒o的箱可以上來十下十下 ...

dc said...

我又要去你屋企... 倒亂... XDD

cc said...

好可能唔「倒」都亂啦 ... 鏡頭之外的非客廳的範圍,可能好似我地個"printer/影印間"咁 .... :o

lc said...

點解咁乾淨架...我又想上黎十下十下...