Saturday, November 26, 2005

普選

this are the posts i replied on a forum when we were chatting about "全面普選"
link

我都希望見到全面民主, 但好怕見到 d 咩都反對, 非友即敵的"民主派"... 橫睇豎睇都似一(民主)黨專政多過自由民主.

始終覺得大部分香港人未夠包容同成熟地接受民主...


我指的是部份人士喇

我指的"專政"並非指 political ruling, 是指他們的非友即敵, 容不下其它聲音的做事方式. e.g. 一碰到唔同聲音的 phone-in 就 cut 人線的開咪人, 我就不覺得佢做法係民主喇

e.g. 一到選舉就會有 d 旅遊車車 d 公公婆婆去投票, 之後就有餐食. 做既"光名正大", 受既又大條道理... 咁就真係做到一人一票既民主? 咁樣選法, 我真係驚到時一人一票選特首會選左個廢柴出黎 ... 太多人唔真惜自己手頭上的一票喇


如果係做 true or false 問題, 一係專政, 一係民主的話, 我當然會要民主. 但世事唔一定係得黑同白, 可以係灰色的.

如果現在即刻普選特首的話, 有幾多人有諗過選完之後要點? 個政府應該點 run? 如果佢唔得民心, 應唔應該好易推番佢落黎? 如果係咁, 佢會唔會做咩都要"聽下民意先", 成日議而不決?

上次選舉時, 台灣的陳生原本係民意中落後, 但—個"槍擊"就令佢連任... 民意真係咁易就可以左右? 一個 911, 做就布殊連任. 但到係伊拉克攪到一鍋泡, 民意創新低, 你又估佢可唔可以做到任期完? 有時都覺得幾諷刺, 老董因為北大人"升佢上神枱", 香港人反而唔洗等到佢任期完... 唉... 真係諗爆頭都唔明

我係想要民主, 但要係成熟既民主. 有時我硬係覺得有d政客為一己利益係到不停吹風...


問題係"誰會出來選?"... 假如我地選左個 100% 民主反共既人出黎, 香港有高度民主自由, 但係同北方反曬臉, 中央唔俾 jetso 香港, 經濟一落千丈, 咁會點? 香港會唔會慢慢分化, 幾次革命之後會走左去行共產? 好驚 :P

又如果一個唔覺意, 選左個一味親中的話就大檸樂 (個人意見)... 唔好忘記, 現時香港政壇上的重量級人馬大多親中

我覺得要有唔同聲音/政黨, 大家實力差不多, 而選民又理性的話, 普選才有意思. 否則只係某 d 人做 show. 所以我支持慢慢來.

No comments: