Saturday, September 6, 2008

保險

時: 某星期六,晨咁早
地:馬大夫醫務所
人: 奇雲斯,馬大夫, 及妙齡女護士一名

【幕一開,見阿奇雲斯一條友傻傻咁坐係馬大夫醫務所o既候診室入面。而妙齡女護士則坐係 counter 內, 一面冷漠】

妙齡女護士(忽然大叫): 奇雲斯!入去見醫生!

【阿奇雲斯慌忙跳起,雞手鴨腳走入診証室坐低】

奇雲斯(一面惶恐): 呀馬大夫呀馬大夫… 上個禮拜我去見另一個 eason 時呢,咁呢, 個 eason 建議我呢, 話最好做個小 operation 喎。 咁呢, 所以呢, 走黎俾你睇下,拎個 second opinion 咁囉。

馬大夫(非常淡定): 係呀?等我睇下… (一路檢查,一路自然自語) 唔… 唔… 幾好… 唔… 情況唔係太差呀… 唔… 唔… (失驚無神)呀~ 講開又講,我地o的 eason 最鍾意你呢種病人!你睇你,呢到又大又凸,做起手術上黎話咁易!

奇雲斯: …

馬大夫(越講越興奮): 係o架!拿,係人老左都有機會有毛病o架嘛,你呢到咁大,真係做起手術黎都方便o的o架!

奇雲斯: …

馬大夫(繼續好興奮咁): 拿拿拿!你話喇,個 size 咁大,真係開刀又好,要鑽又好,方便好多o架!再唔係呢…

奇雲斯(開始有o的驚,急忙打斷馬大夫): 咁阿馬大夫,咁我即係洗唔洗做 operation 呀?

馬大夫(忽然回復冷靜淡定): 咁我 check 過,又唔洗即刻做喎。

奇雲斯: …

馬大夫: 拿,你半年之後再番黎 check 下喇!到時再睇睇情況先!

奇雲斯(傻傻地): o下? 哦…咁好喇…

【跟著,阿奇雲斯出番去候診室】

妙齡女護士(面容冷漠): 半年後打電話番黎約時間覆診。 多謝四舊水呀!

奇雲斯: …

【鏡頭忽然一轉…唔知轉左去邊】

朋友甲: 咁咪好囉,唔洗做 operation 喇~

奇雲斯: 馬大夫唔係 panel doc 黎o架!無得 claim 保險o架… 半年後又要再睇呀… 大佬!陰公!

朋友甲: …

4 comments:

dc said...

原來你果度咁好做operation... haha

kc said...

it is not my 果度... it is 奇雲斯's 果度 ar... -_-'

sc said...

四舊水...ok lar.....worth to give...because he is good doctor...haha

kc said...

sc: ur 馬大夫 is really good ar... he even has operation room in his clinic!! too bad he is not a panel doc for me...