中秋羊

買件無骨羊肩, 醃左佢

再加薯角... 咁又一餐!

同場加演, 肥死你牛油磨菇...

... 唔少得啤酒!

肥。到。冇。朋。友！！！

The little one

Bloody weekend

血腥牛扒…

血腥瑪麗…

早餐

這…可以算是早餐嗎…？

是日晚餐

金菇肥牛 (又係塔斯曼尼亞牛肉 + 日本金菇… d 金菇o個頂真係金色喔~) + 甜燈籠椒 + 大量橄欖油炒烏冬… 又一肥。到。冇。朋。友。之作

是日晚餐

蒜蓉牛油磨菇 + 塔斯曼尼亞牛仔骨鐵板燒牛肉 + 茄醬通粉

食評：唔咁喉… -_-… orz

一酒兩食

一個人開支紅酒，飲左兩餐先飲晒。開始發覺紅酒飲到有d悶，可能飲得太密喇…

後記：反而做甜品o既雪糕就一次過 ko 左成盒… :o

菇

屋企有棵小植物。今日發現泥土中突然伸出一株菇形物體… 物似主人形，悶出菇來了… orz

joker

屋企附近終於開左間粥鋪。好處係，以後胃痛時可以做「粥er」… o_0…

活在當下

仲記唔記得，幾時因為有得吃糖果而開心？幾時因為考試成績好而高興？幾時因為看了一部好的電影而體會到百看不厭？幾時因為一頓滋味的晚餐而吃得津津有味？

又記唔記得，幾時為摔了一跤而哭？幾時因為老師的責罰而覺得羞愧？幾時因為朋友的離去而覺得失落？幾時因為工作上的失誤而氣餒？

總有不少回憶吧？不過，好肯定的說，已經淡忘的一定比記得的多。

是的。人無時無刻都有不同的感覺。但多年後，記得的還有幾多？時間始終向前。對過去的愐懷，或對將來的願景，都不及現在的感覺。現在的甜、酸、苦、辣，就是要讓當下的你盡情去感受。

但是，傷心時不要太絕望，高興也不必太自滿。

對現在的感覺和體會，就是成長的一部份吧…

葡萄成熟時

作曲：Vincent chow /anfernee cheung
填詞：黃偉文
編曲：Adrian chan

差不多冬至 一早一晚還是有雨
當初的堅持 現已令你很懷疑 很懷疑
你最尾等到 只有這枯枝

苦戀幾多次 悉心栽種全力灌注
所得竟不如 別個後輩收成時
這一次你真的很介意

* 但見旁人談情何引誘 問到何時葡萄先熟透
你要靜候 再靜候 就算失收 始終要守

# 日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透

應該怎麼愛 可惜書裡從沒記載 終於摸出來
但歲月卻不回來 不回來 錯過了春天 可會再花開

一千種戀愛 一些需要情淚灌溉
枯毀的溫柔 在最後會長回來
錯的愛 乃必經的配菜

repeat * #

想想天的一邊 亦有個某某 在等候
一心只等葡萄熟透 嚐杯酒

別讓 寂寞害你傷得一夜白頭
仍得不需要的自由 和最耀眼傷口
我知 日後 路上或沒有更美的邂逅
但當你智慧都蘊釀成紅酒
仍可一醉自救 誰都心酸過 那個沒有

做個決定

人越大，反而對好多嘢猶疑左。

上網 search "decision making"，有成千上萬個 methodology。有叫你畫圖分析去算盡天機的，有鼓吹憑本能「眨下眼」就做決定嘅，又有啲叫你要深思熟濾嘅… 點都好，做左「十幾廿年」人，理論上應該有番咁上下閱歷，做決定時應該越嚟越成熟兼快手先啱。

但係點解好似係現實世界係剛剛相反？身邊有朋友「一腳踏兩船」，唔知要同「二奶」遠走高飛好，定番轉頭去修保已經千瘡百孔嘅婚姻好。結果拖下拖下，瞞下瞞下，一年又一年咁過。又有朋友成日諗，究竟應該留係間穩定但係悶到發瘟公司等退休好，定係出去轉工搏一搏搵真銀好…話唔定做十年八年之後就可以唔洗撈喎。諗下諗下，不如等出左 bonus 先算喇~ 結果等下等下又過左幾年，年年都係「等出左 bonus 先」。

係人大左，遇到啲問題越嚟越複雜吖，定係經驗越多，越要多啲時間反複去諗？其實，可能只係大家都怕要承擔後果吧。

係人都有試過做錯決定…有時睇番轉頭，會諗 "what if…"， 又會諗「如果當初…」等等。後悔得多，就會發現面對新問題時，做決定會越嚟越猶疑。因為，試果做錯的後果，怕怕了。

記得有次同朋友吹水，佢失驚無神爆左句：「x，有咩好後悔…你自己揀嘅！」

就咁聽落去好似冇咩「玄機」，兼有啲冷血。但諗深一層…又係喎。有時啲嘢，真係要「打落門牙和血吞」的。有時左諗又諗，問下朋友意見。啱聽嘅，只係叫就有啲心理安慰，有啲支持咁。唔啱聽嘅，反而攪到自己仲唔知點好。

其實到頭來如果發現做錯左，要承擔後果嘅，又咪係得自己。

人思考，好多時只係因為自己「想」去咁諗。因為想快樂，所以諗好唔好去搵「二奶」。因為想發達，所以諗轉工。咁諗法，齋諗一世都唔會有結果 — 直到你真係去試下先知…

不過…現實真係咁？一個人冇幾多個「十幾廿年」…錯左唔係下下都可以番轉頭…死，又有啲猶疑…

鋸扒

早兩日同朋友去食飯，點了客澳洲和牛「扒」。講真，點時冇期望，食落亦冇驚喜（自我安慰：正常呀~ 幾舊水你想點？）…

不過，其實有隻澳洲牛真係唔錯，要推介下的。呢隻就係「塔斯曼尼亞牛肉」。佢食落去真係有種唔錯o既質感同牛肉味，仲要係夠腍 - 鐘意食十成熟o既都冇問題。最最最重要係唔貴：大概廿零蚊一百克左右。 「拮豬賭」有售~

何處惹塵埃

煩~

上星期尾發現咸水喉入屋附近有水滲出黎。Weekend 叫左屋主上黎睇，拍板要整。隨即 call 師傅上黎。睇完一輪，又鑽左一輪。

最後發現水喉裂o既位置太深，係牆中間，所以要搭棚出去鋸左條喉，成條換。

星期一朝早九點幾兩個搭棚師傅就到左。唔洗一個鐘頭就搭好個棚。勁！

跟手兩個水喉師傅接力。一個係出面，一個係入面。又鋸又鑽，幾個鐘頭之後攪掂。之後等多幾個鐘等o的膠水乾。之後再開番大廈水制試過ok，師傅係六點幾o既時候終於可以收工。

最後成屋都係灰塵，又要抹抹抹抹抹… orz…

20080127 食早餐

好耐冇煮過早餐…不過今日天寒地凍，真係要食番d熱野先掂~

出前一丁既極辛豬骨湯麵、「隔夜」既煎蝦、同 Moka pot 煮既 UCC 咖啡~ yummy~

20080119 行錯路

係番公司 OT 之前走左去行山。今次係行港島徑第5和第6段… at least 原本諗住係咁。不過唔知點解成班人行下行下，去到近終點睇地圖時，忽然發現：「咦？點解【閣下在此】個標誌唔係指住港島徑之上o既？」原來係第六段中途我地行到離開左港島徑都唔知… haha… orz

總結：第五段風景好正，不過有d難度，不斷上山落山…同食左好多西北風 :P。第六段其實就係我之前成日自己一個人行o既大潭篤水塘…易行，不過風景就差過第五段囉。

一d第五段的風景:

食肉獸

之前係冇得「十下十下」的日子，試過學煎牛扒。可以係一餐 KO 一磅肉… 仲要連續幾日係咁試… -__-… 不過真係好正呀（不過亦都有 D 肉痛…事關好耐冇食得咁豪 :P）

[Re-post] Toro & Kuro wish you a Merry Christmas!

20080112 好天氣＆好熱氣

竟然係…十下十下！？

之前成日話 打邊爐 -> 烚下烚下 -> 十下十下… 今日竟然俾我見到呢隻 dvd :

…咁當然我冇買到呢隻碟喇。反而買左兩套日本戲。

第一套套係《遇人不熟》。見佢話係日本版《危險人物》，又拎甚麼電影大獎的…睇左。唔錯。有d攪笑，故事有d出人意表。不過講到「意想不到佈局」，就點都同 Pulp Fiction 差點距離。

失竊了的2,000萬現金尤如引子般把五個命運截然不同的人連上，隨著一夜的告終，每件看似無關重要的事情竟然又千絲萬縷的交遇糾纏；導演內田賢治像時間的魔術師般把各人各事拆散抽離、再裝崁重組?玩出比想像更為複雜的時間遊戲，「真相」就只有你能看出！

第二套係《Sugar＆Spice～風味絕佳》…未睇。封面有句說話幾得意，所以買了它：「對女孩子來說，光是溫柔並不足夠…同時還需要砂糖和辣粉」 -.-'

毗鄰美軍基地的東京小鎮福生，處處流露著美式風情。志郎自高中畢業後一直在油站打工，過著一日復一日的平淡生活。對於未來，和其他年輕人一樣，志郎同樣地感到不安和迷失。一天，油站來了新的員工乃里子，令志郎寂寞的心不禁泛起陣陣漣漪。正當乃里子打算衝破昔日的感情枷鎖，與志郎發展新的戀情時，卻發現自己仍然徘徊於抉擇新歡舊愛的十字路口…

PS. 另加煲戲推介:

• 卡通：《天元突破》…熱血到爆
• 日戲：《神探伽利略》…集集推理

監獄兔

Official site

http://www.usavich.tv/about.html


成日將 d 無聊 link email 俾人，係會令到其他人同你一齊無聊的！ :P

PS. 第 24 集出左喲~
http://www.youtube.com/watch?v=lDWgLBMjXjA