是日金句

「人多自然容易受傷」

是日金句

「不要嘗試尋找刻意失蹤的人…」


…因為佢無意俾你搵到佢…

轉工理由…

…可以有好多。例如：

是日金句

「失敗原來並非想象中般難過。可能，因為至少有參與過」

U turn

係真唔係…? o_0

faceyourmanga.com

faceyourmanga.com

是日今句

「人家都出到聲唔認你係 friend，你都係番入山窿罷喇~」

是日金句

「好想好想溫柔相待，只可惜我們就是差那一點點…」

挽手袋

「男士應否替女士挽手袋」。一個應該係辯論一世都冇結果o既題目。

早兩日出席左朋友o既婚宴，而當中做伴郎o既係另一位相識o既朋友。只見席間，做伴郎o既朋友一直為伴娘拎住個晚裝手袋。注意： (1) 呢位伴郎朋友乃出名（亦自認）色中餓鬼; (2) 伴郎同伴娘係幫手準備呢場婚宴前，係並不認識的說。 -_-

入番正題。「男士應否替女士挽手袋」。正方代表（通常係女性）會話，咁係男士風度o既表現。就好似男士應該要為女士落車時開車門，落雨時擔遮一樣，好正常喔。 而反方（大男人？）會話男人老狗，拎住個女人手袋通街走係有損尊嚴兼市容喎。

其實，當你的朋友或女伴有需要時，唔理係唔係拎手袋，出手幫忙又有咩唔妥？尤其係當你的女伴要上洗手間、入試身室、或者係季尾減價掃貨時，幫她拎一拎個手袋又何嘗不可？（不過，話說回頭。當你見到女廁門口有一大班男士拎住手袋係到等o既場面，你都咪話唔好笑…）

男士，其實怕o既係一開始幫女士拎手袋，就顯得雄風減弱，驚從此就咁俾個女仔「食住」。

女士呢，其實好多時都唔係要男仔真係幫佢拎手袋。佢地只係想知道個男仔「肯唔肯」拎。到個男仔真係想幫手拎時，反而會話唔洗… -_-

最理想o既情況係：一位男士好禮貌咁問位女士需唔需要幫手挽手袋。女士嫣然一笑咁答：「唔洗喇~」… 咁男o既就顯出左風度，而女o既就可以繼續拎住個成萬銀o既手袋襯番件衫… :P

保險

時： 某星期六，晨咁早
地：馬大夫醫務所
人： 奇雲斯，馬大夫， 及妙齡女護士一名

【幕一開，見阿奇雲斯一條友傻傻咁坐係馬大夫醫務所o既候診室入面。而妙齡女護士則坐係 counter 內， 一面冷漠】

妙齡女護士（忽然大叫）： 奇雲斯！入去見醫生！

【阿奇雲斯慌忙跳起，雞手鴨腳走入診証室坐低】

奇雲斯（一面惶恐）： 呀馬大夫呀馬大夫… 上個禮拜我去見另一個 eason 時呢，咁呢， 個 eason 建議我呢， 話最好做個小 operation 喎。 咁呢， 所以呢， 走黎俾你睇下，拎個 second opinion 咁囉。

馬大夫（非常淡定）： 係呀？等我睇下… （一路檢查，一路自然自語） 唔… 唔… 幾好… 唔… 情況唔係太差呀… 唔… 唔… （失驚無神）呀~ 講開又講，我地o的 eason 最鍾意你呢種病人！你睇你，呢到又大又凸，做起手術上黎話咁易！

奇雲斯： …

馬大夫（越講越興奮）： 係o架！拿，係人老左都有機會有毛病o架嘛，你呢到咁大，真係做起手術黎都方便o的o架！

奇雲斯： …

馬大夫（繼續好興奮咁）： 拿拿拿！你話喇，個 size 咁大，真係開刀又好，要鑽又好，方便好多o架！再唔係呢…

奇雲斯（開始有o的驚，急忙打斷馬大夫）： 咁阿馬大夫，咁我即係洗唔洗做 operation 呀？

馬大夫（忽然回復冷靜淡定）： 咁我 check 過，又唔洗即刻做喎。

奇雲斯： …

馬大夫： 拿，你半年之後再番黎 check 下喇！到時再睇睇情況先！

奇雲斯（傻傻地）： o下？ 哦…咁好喇…

【跟著，阿奇雲斯出番去候診室】

妙齡女護士（面容冷漠）： 半年後打電話番黎約時間覆診。 多謝四舊水呀！

奇雲斯： …

【鏡頭忽然一轉…唔知轉左去邊】

朋友甲： 咁咪好囉，唔洗做 operation 喇~

奇雲斯： 馬大夫唔係 panel doc 黎o架！無得 claim 保險o架… 半年後又要再睇呀… 大佬！陰公！

朋友甲： …

是日金句

「順便話你知…如果你又係準備同我講o的無聊o野，免喇！保重！」

-_-

是日金句

「用眼前o既事抹掉過去o既陰霾」

褔娃儍了

d褔娃唔知做咩… =_="

是日金句

"stop giving in. if you have something to say, just say it. please."

-_-...

是日金句

「好戲連場！」

死機

本來諗住 reboot 的，可惜來不及了…它已經宣佈「死機」…


不過，可能都係好事黎o既… RIP

辦公室躲懶術（一）

係辦公室工作咁多年，對於「躲懶」呢門學問點都有d心得。特意係到交流一下，歡迎指點~

不過，話說在前：「躲懶」並不等於唔做野！一日十個八個鐘頭係 office，總唔可能 100% 工作吧？有時點都要上網 check 下 email，去 forum 搵下料，msn 同朋友吹下水…簡單d講：處理下私人事務o者，唔係咁都唔得下話！

言歸正傳，先講下電腦桌面o既「佈陣」。常見初心者會咁樣做：

即係：將一個工作用o既 application 放到最大，然後再開一個小小 window 係到上網或者做自己野。原意係，當發現有咩風吹草動時，可以好快咁用 alt-tab 轉番去後面個 application 到… -_-

但係…大佬~！係「老年」咁遠睇見呢個陣，就算睇唔到你做緊咩，都知你鬼鬼祟祟有d野喇~！試問，當你真係做緊野o既時候，會唔會將背後個 window 放到鬼咁大，反而前面做緊野個 window 縮到睇得個兩行字先？！

計我話，應該要以打亂敵人視線為重點…例如：

用於「躲懶」o既 window 照樣縮小，但係同一時間就開多四五個「疑似」工作 window 亂放係到。咁就算俾人遠遠「目及」到自己個 mon，都冇咁礙眼先啦！只要記得放其中一個「疑似」工作 window 同「躲懶」 window 重疊，咁咪一樣可以用 alt-tab 去救命。 道行再高 d o既，可以 set 到條 active 同 non-active o既 title bar 一樣顏色…咁人地「沖沖一瞥」時都唔知你用緊邊個 window 喇（不過可能到真係做野時攪到自己都唔知用緊邊個… @_@）

Don't shoot! Let them burn!!

為早幾日的「是日金句」解下畫。

事源忽然又諗起 Saving Private Ryan 中，一句我覺得幾震撼的對白…

套戲開場後第一場戰爭場面，就係盟軍登陸諾曼第一役。一幕幕子彈及血肉橫飛的場面。開始時由於德軍有地利，所以盟軍方面傷亡慘重。

Tom Hanks 一隊人幾經辛苦，終於打到高地，攻到德軍的 bunker。為左避免強攻入 bunker 而令到自己一方有傷亡，佢地用當時常用的一招：炸開 bunker 的入口後，係外面用噴火槍向內噴火，將入面o既德軍連人同 bunker 一齊燒左佢。

咁當入面d德軍個個著曬火，係另一面跳出 bunker 碌落山坡時，外面有個盟軍回頭大聲向同袍叫：

   Don't shoot! Let them burn!!

意思即係，唔好開槍殺左呢d德軍，如果唔係就便宜左佢地。由得佢地活生生燒死…

睇完套戲之後，句 "let them burn"久唔久就會係我腦袋中浮出來。

原來憎一樣野時，你係唔會由佢走得咁爽的說。 @_@

是日金句

"... let them burn"

黑仔

黑仔。即係係大熱天時，為左部老爺吸塵機，四圍咁搵邊到有吸塵袋賣。而終於係某門市部，有位好心售貨員姐姐係倉底搵到 last 一包，買完跟住番到屋企換上新袋後準備吸塵時，部機開唔夠十秒個摩打就打柴~!