破事兒

早兩日睇左《出埃及記》隻 DVD。

吸引我去買呢隻碟既原因係佢個故事（廢話…買戲睇就係睇故事嫁喇）。戲入面男主角係一個當差多年的警察，而係一個機緣之下，佢走去查一單怪 case：有個偷窺犯話佢知呢個世界上有班女人計劃要殺曬d男人。而d女人之所以上廁所要咁耐，就係因為佢地係廁所入面商量殺人大計。咁個犯就話自己係偷入女廁去拍低女人d殺人計劃罪証。

=__=

好鐘意呢d有d無厘頭，啜核得黎又過癮，睇完有得諗下兼「加d想像力就可發一餐白日夢」既戲。:P 加上部戲d燈光呀，配樂呀等等都唔錯，明顯唔係普通既港產爛片。於是上網 search 上導演彭浩翔d料同睇下佢個 blog。發現佢今個 weekend 有新戲上，叫「破事兒」。

初初唔係好明咩叫「破事兒」。直至今日行過書局，見到彭浩翔原來出左本同名書。以為係電影小說之類既書，冇咩期望，只係拎上手隨便揭揭。點知原來係十幾篇的短篇小說，係收錄番彭浩翔多年前幫報紙雜誌寫的文章。

揭左幾頁就決定要買番屋企睇。二百頁唔夠，十八篇既短篇文，個零鐘一口氣睇曬。唔錯呀！唔少短篇都古靈精怪，個結局有d真係睇到想笑，有d又睇到嘆氣。最重要係一路讀，一路有d睇緊戲既感覺！

原來「破事兒」係彭浩翔一個 friend 既 blog 名。意思係一 d 小事：「塵世有幾許事可堪動地驚天，還不是去似微塵，所有種種，回頭再看，就那麼回事。愛慾生死，也不過是些破事兒。喜歡那份豁達大度，所以特借此為書名。」

之後上網睇下「破事兒」部戲的預告片。睇落亦都係由幾個短故事組成的，好似唔錯…不過我估我都係會等佢出碟先睇 :P

This entry was posted on Sun, 16 Dec 2007 13:16:00 GMT and Posted in , . You can follow any any response to this entry through the Atom feed. You can leave a comments, .


Comments

Leave a response

  1. cc about 3 hours later:
    嚇死我 ... 星期六我半夜睇左套研究「出埃及記」的記錄片，以為咁o岩添 :P ~ 講開你睇o既呢套片，當日佢上畫時我都有被佢個題目吸引到，好想知到底係咩胡lo賣咩藥 ~ 但後尾睇過o的影評話係套驚悚片時，我就即刻打消左去睇呢套戲o既念頭 ~ 哈哈 ~ 但其實我又好想知個故仔係講乜 ... :P ~ 破事兒 ~ 呢個星期五晚經過車站附近的戲院時睇到呢套片的介紹，係杜文澤講O野的 ~ 無時間睇晒段訪問，只知道似乎係比你大笑一餐的片 ~ 覺得個片名好文雅，原來真係別有一番出處。
  2. kc about 4 hours later:
    『研究「出埃及記」的記錄片』 <== 係咪好似 national geographic 果 d 呀？有趣喎… 仲有呢，你有冇睇過 d 講「創世紀」o架？我成日都想知：如果上帝真係用左七日去創造呢個世界，咁我地成日係地下掘出泥 d 恐龍應該點 fit in？話曬佢地生前都雄霸地球一段日子…係唔係聖經上的一「日」其實唔係我地地球上的一日呢… @.@

    仲有，套戲《出埃及記》係一 d 都唔「驚悚」o架。唔好俾佢張電影海報欺騙左…成部戲一滴血都冇o架！

    其實如果你唔去留意佢d燈光呀，對白呀等等果d細節，你可能會覺得套戲好悶添…話時話，依家諗番…我覺套戲入面，好多景同場面都應該係好有心思去選擇的。
  3. cc about 19 hours later:
    係咪ga ... 你有次好似睇一套血腥片都話好感動o架喎 ... :o ~ (雖然我已經有o的比你講到心郁郁想睇) 係呀 ... 個節目叫做《出埃及記》真相追尋 (The Exodus Decoded) ~ 創世記我有睇過(聖經)呀 ~ 我開初會諗，聖經唔會每隻動物都mention o架嘛，咁恐龍咪係o的野獸的其中一類lo ~ 神說：「地要生出活物來，各從其類；牲畜、昆蟲、野獸，各從其類。」事就這樣成了。 不過呢 ~ 後尾我先知道有釋經家/神學家解釋話，神造天地之時未必係from emptiness ~ 「地是空虛混沌，淵面黑暗」入面的混沌係指in a mess，所以可能恐龍係當時造天造地前那個混沌世界中的一物呢 ~ 嗯 ... 睇戲如果唔留意場景燈光對白，咁仲可以留意o的咩？ ... =_= ~
  4. cc about 19 hours later:
    點解我breakline唔到o既 ... 一堆o野咁 ... 好亂啊！ 混沌混沌 ~~~~ :o
  5. cc about 19 hours later:
    再試下先，唔通要alt+enter ~ ?! :o ~ testing testing
  6. cc about 19 hours later:
    唔得o既 ... 放棄 .... 唔好意思，網主可以delete前兩個post plus呢一個post ... 打搞晒 ... =_= ~
  7. kc 1 day later:
    哈哈…網主唔會 delete d post 嫁… 等我地得閒可以入嚟笑下嘛~ gee gee

                *            *            *

    呢個 blog 好原始架… 你想要間行的話要自己打 html code… orz… 不過，下面其實有個 "preview comment" link 俾你係 submit 之前睇下架喎~

                *            *            *

    唔…咁呢，我估「神造天地之時未必係from emptiness」呢個解釋好似近d… 因為如果將恐龍計係果七日入面會有d問題。事關恐龍生存左一段好長時間先絕種既，而係呢段時間期間應該係冇人類的… 所以我成日都諗，會唔會係聖經入面的「七日」唔係真係地球時間黎既 =_=

    咁之但係，如果係「七日」前呢個世界已經有東東存在的話，呢d東東又係唔係神做出黎既呢？上帝係咪殺曬d恐龍，make sure d 人類唔會俾佢地食左，先開始果「七日」呢？

                *            *            *

    睇戲可以有好多野睇既~ 例如靚女咁~ 阿劉心悠好 ok 架喎，不過做戲就… :P
  8. cc 1 day later:
    睇睇啦 ~
    http://www.redbeangarden.com/right431a.htm
    (睇下係咪真係食html code先)
  9. cc 1 day later:
    真係無點我wo ~~ 真係breakline到！ ~ yeah ~
    劉心悠 ... o係呢套戲的宣傳訪問度我見過佢 ~ 不過呢，都係o個o的見過一次就無乜印象的靚女 ~ 我宜家已經唔記得佢個樣啦 ... 等我上網search search先 ~ 不過我幾鐘意佢個名 ~ :P ~
  10. kc 1 day later:
    睇完條link，都係唔明… =_=...

    佢話方舟可以載恐龍，又話「聖經記載挪亞方舟及洪水的事蹟：大約在公元前二千多年之前」… 但係恐龍唔係幾千萬年前死曬喇咩？

    呢到都有個類似既，不過都係睇唔明：
    http://www.answersingenesis.org/Docs/2.asp

    我諗我都係唔再講喇~ d 宗教呀，政治呀之類既野，好多時講講下會攪到反面的說… orz… 唔想咁呀 >_<
  11. cc 1 day later:
    唔駛反面呀嘛 .. 研究下之嘛 ~ 我覺得宗教事ultimately都係講感性多o的ga啦 ~ 理性上的研究只係for curiosity o者~

    講到年份呢 ~ 亦有一說話o的化石年份未必準確，話咩年份係會被件o野o係地底幾深存積所影響的，但係存積得深又未必係因為實際的年份ga喎，因為會可以有其他外力影響喎(e.g.洪水) ~

    咦 ~ 你o個條有提到創造論同進化論添喎 ... 好學術呢 ~~ 嗯 ~
  12. dc 5 days later:
    wow... 你地講野都幾深...

    可唔可以當神七日做人係一個寓言故事, 只係講出神創做萬物&人係又神黎, 無講用咩方法. eg. 可以係進化論都係神既預計之內, 又或者外星人做人都係神既安排... etc

    聖經一定係唔會有破綻(睇你點演繹), 不過又無得証實係真or假... 其實好多宗教都係睇你信唔信...

    我覺得挪亞方舟如果用實際角度睇應該唔可行(eg. 動物d糞便已經可以做成衛生問題), 但又可以演繹係神績...

    所以聖經咪話"不要怕, 只要信", 大有道理架

Leave a comment